Gesellig Afrikaans
Waar ons vriendelik en gesellig saam verkeer!

Stop die kollektiewe straf van minderhede in Suid-Afrika

Een minuut van u tyd asseblief!; Wo, 17 Oktober 2018 19:06

Teken asseblief hierdie petisie voor 11 November 2018:
Stop die kollektiewe straf van minderhede in Suid-Afrika

Ons, die mense, vra die federale regering van Amerika om 'n beroep op die Amerikaanse Kongres te doen om 'n probleem op te los:

1) As die leier van die vrye wêreld, sal dit van groot belang wees as die Amerikaanse regering die rassistiese optrede van die Suid-Afrikaanse regering en radikale groepe teenoor minderhede veroordeel:

- Oproepe tot die moord, marginalisering, vervolging, rasseprofilering, ontmensliking en teikening van enige minderheidsgroep, asook die versuim om organisasies en individue wat hulle daaraan skuldig maak te vervolg;

- Enige wet wat grond onregmatig onteien of dreig om eienaarskap sonder billike en regverdige vergoeding te vervreem;

- Die wrede moord, marteling en aanvalle op minderhede, veral op wit boere in SA, en die daaropvolgende ontkenning daarvan deur die regering en president Ramaphoza.

2) Aankondiging ter ondersteuning van 'n tweestaat-oplossing;

3) Strategiese adviseurs voorsien.

Agtergrond: www.ulacongress.com/wh

Nuus | 0 kommentare

Gebed voor ete

Wo, 17 Oktober 2018 04:20

/fa/44/0/Jan, 'n gelowige man gaan jag. In die bos storm 'n leeu hom. Hy bid, Here laat dit 'n Christelike leeu wees en dat hy my genadig sal wees.

Die leeu stop by Jan, sit sy poot op Jan se kop en sê:

"Seën, Heer die voedsel wat vir my voorgesit is, en maak my opreg dankbaar daarvoor. Amen"

Humor & grappe | 2 kommentare

Dans ten bate van Gelyke Kanse se hofstryd vir die behoud van Afrikaans by die U. Stellenbosch

So, 14 Oktober 2018 14:47

Daar word 'n dans gehou ten bate van Gelyke Kanse se hofstryd vir Afrikaans by Stellenbosch, almal is welkom.

Hieronder is die pamflet wat ek ontvang het:

/fa/43/0/

Nuus | 0 kommentare

Swart Twitter Vier Afsterwe van Pik Botha - Telegraaf.co.za

So, 14 Oktober 2018 14:43

Swart Twitter het die afsterwe van wyle minister van binnelandse sake, Pik Botha, verwelkom en van die geleentheid gebruik gemaak om met grondonteiening te dreig.

Volledige berig

Nuus | 2 kommentare

Sebra ontsnap

So, 14 Oktober 2018 07:01

/fa/42/0/'n Sebra (kwagga) ontsnap uit die dieretuin en beland op 'n plaas. Sy stop by die varkstalle en vra: "Wie is julle, en wat doen julle?"

"Ons is varke," antwoord die beer. "Ons eet, snork en slaap, en die res van die tyd rol ons in die modder rond."

Nie iets vir haar nie, dink die sebra, en stap aan.

By die koeie stop sy weer en vra: "Wie is julle, en wat doen julle?"

"Ons is koeie," antwoord een. "Ons staan die hele dag in hierdie veld en eet gras."

Ook nie iets vir haar nie, dink die sebra, en stap verder.

Uiteindelik kom sy by die hings in sy stal.

"Wie is jy, en wat doen jy?" wil sy weet.

"Wel," antwoord die hings, "trek uit daai pajamas, dan wys ek jou."

Humor & grappe | 0 kommentare

Pik Botha oorlede

Sa, 13 Oktober 2018 08:49

/fa/40/0/Die kleurvolle politikus, Pik Botha, is op 12 Oktober 2018 by sy huis in Pretoria oorlede nadat sy organe ingee het. Hy was 86 jaar oud. Almal het nie noodwendig met sy standpunte saamgestem nie, maar as die man gepraat het, het die mense aan sy lippe gehang. Een van sy bekendste sêdinge was: "Dit maak nie saak of jy 'n sebra ('n metafoor vir Suid-Afrika) deur die swart streep of deur die wit streep skiet nie, die hele dier vrek." Hy was ook bekend vir sy omstrede opmerking tydens die Apartheidsjare dat hy nie sou omgee om onder 'n swart staatspresident te dien nie.

Botha is op 27 April 1932 op Rustenburg in die Transvaal gebore. Hy het in 1953 by die departement van buitelandse sake aangesluit en het in Swede, Duitsland en in Den Haag diens gedoen. In 1974 het hy Suid-Afrika se permanente verteenwoordiger by die Verenigde Nasies geword. 'n Jaar later is hy aangestel as Suid-Afrika se verteenwoordiger in die VSA en op 1 April 1977 het hy Suid-Afrika se Minister van Buitelandse Sake geword.

Botha was een van die groep "gematigde" lede van die Nasionale Party wat deelgeneem het aan die politieke maneuvers om 'n opvolger vir B.J. Vorster as Eerste Minister te kry. Hy was ook nou betrokke by die onderhandelings wat uiteindelik tot vrede in Angola en die onafhanklikheidswording van Namibië in 1990 sou lei.

Botha het later as Minister van Mineraal- en Energiesake (1994-1996) in die regering van nasionale eenheid onder Nelson Mandela gedien totdat die Nasionale Party hom van die regering onttrek het. In 2000 het by die African National Congress aangesluit. Hoewel hy die ANC-regering aanvanklik ondersteun het, het hy hulle later jare ook skerp gekritiseer.

Met 'n dienstyd van 17 jaar, was hy een van die wêreld se langsdienende ministers van buitelandse sake. Dit is seker ook veilig om te sê dat hy Suid-Afrika se langste dienende diplomaat was. Hy sal onthou word as die man was Apartheid by die VN moes verdedig, vir die vrede wat in Angola gesluit is, Namibië se onafhanklikheid en sy betrokkenheid by Suid-Afrika se oorgang na 'n swart meerderheidsregering in 1994.

Nuus | 0 kommentare

"By Pramberg blêr 'n moflam" deur Boerneef

Vr, 12 Oktober 2018 19:04

/fa/41/0/BY PRAMBERG BLÊR 'N MOFLAM
Boerneef

By Pramberg blêr 'n moflam
van hongerte en dors
by Pramberg vrek 'n moflam
dit is vanjaar die stryk
sny keelaf wat nog lewe
dis hoeka sukke tyd
by Pramberg blêr geen moflam
maar die jakkals hou jolyt

[Die gedig verwoord 'n gevoel van wanhoop in 'n tyd van uiterste droogte. Dit betreur die sterfte van 'n moflam (Merino skape word mowwe genoem). Ironies genoeg het Pramberg sy naam gekry omdat dit soos 'n vrou se bors ('n plek van voeding) gevorm is. Pramberg is deel van die Tankwa-Karoo Nasionale Park tussen Ceres en Calvinia, 'n uitgestrekte, eensame stuk aarde aan die voetheuwels van die Sederberge.]

Prosa & poësie | 0 kommentare

"Busrit in die Aand" deur Elisabeth Eybers

Do, 11 Oktober 2018 07:00

/fa/39/0/Busrit in die Aand
(Elisabeth Eybers)

Elk langs sy yl weerkaatsing in die ruit,
sit hulle suf, met monde moeg gesluit,
die werkers van die stad wat huis toe gaan.

Skaduwee-skimme gly verby... Dis laat,
en lang ligvaandels wapper oor die straat
soos oor 'n dam die blinkpad na die maan.

Ons ploeg deur stormsee met ons kaperskuit:
die stuurman voor, die passasiers die buit
wat ons as slawe huis toe bring vanaand...

Die vaartuig waggel afdraand, om die draai
met skril gekners en skommelende swaai,
en hyg en skok en snork en swoeg opdraand,

terwyl ons, soos twee kinders opgetoë,
mekaar toelag met glinsterende oë...
Asof hul jammerlik hul lot kan raai,

sit hulle suf, met monde moeg gesluit,
elk langs sy yl weerkaatsing in die ruit,
die werkers van die stad wat huis toe gaan.

Prosa & poësie | 0 kommentare

Krugerdag

Wo, 10 Oktober 2018 06:58

/fa/37/0/Vandag is 10 Oktober, Krugerdag, die dag waarop ons Paul Kruger se verjaarsdag vier. Paul Kruger was 'n Boere weerstandsleier wat verbete teen Britse bewind geveg en later president van die Zuid-Afrikaansche Republiek geword het.

Soos vorige jare sal daar om 15:00 'n kranslegging by die Heldeakker in Pretoria plaasvind. Enigeen is welkom om 'n krans op Kruger se graf (en by die grafte van ander geskiedkundige persone) te gaan lê. Die gebeure word om 16:30 opgevolg met 'n herdenkingsdiens in die Krugerkerk (reg oorkant die Krugerhuis).

So 'n bietjie agtergrond:

Krugerdag is die eerste keer in 1882 gevier terwyl Paul Kruger nog gelewe het. Jy was destyds die adjunkpresident, maar omdat hy soveel respek van sy volksgenote geniet het, is sy verjaardag met 'n feesdag gedenk. Dit is die daaropvolgende jaar amptelik as 'n openbare vakansiedag ingestel. Die gebruik het ten einde gekom nadat Brittanje die destydse Zuid-Afrikaansche Republiek verslaan het.

In 1910, met Uniewording, is die dag steeds nie as openbare vakansiedag erken nie. 'n Paar jaar na die Nasionale Party in Suid-Afrika aan bewind gekom het, is die dag in 1952 as Heldedag ingestel. Van tyd tot tyd is dit amptelik deur opeenvolgende regerings as hetsy Heldedag of Krugerdag geproklameer, en op kalenders as sodanig aangedui.

Dié vakansiedag is deur die ANC-regering opgehef toe hulle in 1994 aan bewind gekom het. Interessant genoeg word Heldedag steeds as een van ses vakansiedae in Orania waargeneem. Tale skole en kulturele organisasies reël ook byeenkomste om die gees van Krugerdag in stand te hou.

Soos Paul Kruger homself gesê het: "Neem uit die verlede alles wat goed en edel is, en bou daarop die toekoms."

Nuus | 0 kommentare

Het julle geweet?

Sa, 06 Oktober 2018 07:44

Hier is 'n paar interessante feite:

• Bye het nie ore nie.

• Miere kan tot 10 keer hulle eie gewig dra.

• Krokodille kan nie hulle tong uitsteek nie.

• Skoenlappers proe met hul voete.

• Die Afrika-olifant het net vier tande waarmee hulle kos kan kou.

• Olifante is die enigste diere wat nie kan spring nie.

• 'n Kameelperd kan sy ore met sy 50cm (20 duim) lange long skoonmaak.

• 'n Huisvlieg leef net 14 dae.

• Alle ysbere is linkshandig.

• 'n Volstruis se oë is groter as sy brein.

• 'n Volstruis kan tot 70 km/h (43mpu) hardloop.

• Die tong van 'n blouwalvis is so lank soos 'n olifant

• Die hart van 'n blouwalvis is die grootte van 'n klein motorkar.

• 'n Mens kan 'n koei met trappe laat oploop, maar nie af nie!

• Meer mense is banger vir spinnekoppe as om dood te gaan.

• Daar word gemiddeld 12 pasgebore babas aan die verkeerde ouers gegee elke dag!

• Ons oë bly dieselfde grote van geboorte tot dood, maar ons neuse en ore hou nooit op groei nie.

• Donald Duck-strokiesprente was op 'n stadium in Finland verban.... omdat Donald nie 'n broek aanhet nie!

• 40% van McDonalds se profyt is van die verkope van die kinders se Happy Meals.

• Die Eiffeltoring groei elke jaar 150 mm a.g.v. uitsetting in warm weer!

• Die Egiptenare het papier geëet. Hulle het papier van papirus gemaak, 'n plantsoort wat rou of gaar geëet kan word. So, as jy weer nie jou huiswerk gedoen het nie, sê vir jou onderwyser dat jy honger was en jou huiswerk opgeëet het!

• Speelkaarte is tydens Tweede Wêreldoorlog aan Britse vlieëniers gegee. Sou hulle gevang word, kon hulle die kaarte in water week en dan kon hulle 'n kaart sien wat hulle sou kon help om te ontsnap.

• Die gemiddelde Amerikaanse kind sal teen die ouderdom van 10 ongeveer 730 vetkryte opgebruik het.

• Omtrent 100 mense verstik hul dood aan hul balpuntpenne elke jaar.

• Daar is nie 'n Engelse woord wat rym met die woord "MONTH" nie.
 
• "TYPEWRITER" is die langste woord in Engels wat met die letters van net een ry van 'n rekenaar se sleutelbord gemaak kan word.

Bronne:
http://www.funofun.com/weirdfacts.htm
http://www.didyouknow.cd/afrikaans/
http://www.didyouknow.cd/kids/kids.htm

Onderwys & opvoeding | 0 kommentare

Bladsye (1965): [1  2  3  4  5  6  7  8  9  10  11  12  13  14  15    »]
Tyd nou: So Okt 21 12:31:47 UTC 2018