| In Memoriam [boodskap #92223] |
Di, 20 April 2004 21:54  |
Ooskus
Boodskappe: 15
Geregistreer: April 2004
Karma: 0
|
Junior Lid |
|
|
Verlede week is my vrou se jongste broer in Kaapstad oorlede. Pas 'n stuk of
sewentien maande na die dood van haar oudste broer. Albei aan hartaanvalle.
Haar ma is nou alleen oor in Suid-Afrika. My skoonpa is reeds meer as
twintig jaar gelede oorlede. Ek kan my nie die pyn van 'n ouer voorstel wat
twee kinders in so 'n kort tyd so onverwags moes afstaan nie. Totius het, en
ek publiseer elders twee van sy gedigte; een waarin hy die rou pyn van 'n
ouer uitroep na die dood van 'n kind. Die ander een handel oor die
onbegryplike weë van God.
Henry in Pennsylvania.
|
|
|
|
| Re: In Memoriam [boodskap #92235 is 'n antwoord op boodskap #92223] |
Wo, 21 April 2004 02:51  |
bouer
Boodskappe: 4803
Geregistreer: Desember 2003
Karma: 0
|
Senior Lid |
|
|
"Ooskus" skryf
> Ek kan my nie die pyn van 'n ouer voorstel wat
> twee kinders in so 'n kort tyd so onverwags moes afstaan nie. Totius het, en
> ek publiseer elders twee van sy gedigte; een waarin hy die rou pyn van 'n
> ouer uitroep na die dood van 'n kind. Die ander een handel oor die
> onbegryplike weë van God.
Innige simpatie, Henry. Dis wanneer mens deur hierdie
soort dinge moet gaan, dat mens jou kan keer na die
woorde van Totius. Nie net een van die letterkundige
reuse in Afrikaans nie, maar ook een wat gestalte kon
gee aan diep emosionele dinge. Ek verwag dat hy
oor honderd jaar nog gelees sal word. Hy en Eugene
Marais, veral.
Gloudina
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
