| Stellenbosch [boodskap #123980] |
Sa, 12 Januarie 2019 16:48 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Stellenbosch is 'n dorp in Wes-Kaapland, die tweede oudste in Suid-Afrika, in 1679 deur goewerneur Simon van der Stel gestig. ’n Belangrike sentrum van die wyn- en vrugtebedryf. Die dorp is geleë in pragtige berglandskap aan die Eersterivier. Sedert die vroegste dae is die dorp bekend vir sy statige ou woonhuise waarvan baie vandag nog bestaan, en vir sy eikelane waarvan die eerste een deur goewerneur Simon van der Stel self aangeplant is. In 1710 het brande baie van die grasdakgeboue in puin gelê, weer in 1803 en in die Victoriaanse tye. Die dorp is sedert die eerste skool in 1683 geopen is ’n toonaangewende opvoedkundige sentrum. ’n Teologiese kweekskool en ’n ‘Gimnasium’ is in 1859 deur die Nederduitse Gereformeerde Kerk gestig. In 1866 het laasgenoemde Stellenbosch-Kollege geword en in 1887 is dit ter ere van Koningin Victoria se goue jubileum herdoop na Victoria-Kollege. Baie van Suid-Afrika se toonaangewende persoonlikhede, onder andere generaal J.C. Smuts, generaal J.B.M. Hertzog en dr. D.F. Malan, het daar gestudeer. In 1918 het die Victoria-Kollege die Universiteit van Stellenbosch geword ingevolge ’n spesiale Wet van die Parlement. Bevolking teen die middel van die 20ste eeu: 25,000 (12,000 Blankes, 12,000 Kleurlinge, 145 Asiate en 1,769 Bantoes).
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
