| Price, Dr. Bernard [boodskap #123426] |
Vr, 04 Januarie 2019 17:25 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Dr. Bernard Price was 'n ingenieur en fisikus. In 1877 in Londen gebore. Was die uitvinder van die Merz-Price Differensiaalstelsel vir Outomatiese Diskriminerende Afsluiters. In November 1909 kom hy na Suid-Afrika om hoofingenieur te word van die pasgestigte Victoria Falls and Transvaal Power Company Ldt., waarvan hy in 1927 hoofbestuurder geword het. Hy was ook president van die Suid-Afrikaanse Instituut van Elektrotegniese Ingenieurs en ’n lid van die raad van die Universiteit van die Witwatersrand. Tree af in 1936. Die Regering stel hom aan as lid van die Maatskaplike en Ekonomiese Beplanningsraad. Hy was verantwoordelik vir die stigting en nalating van die Bernard Price-Instituut vir Geofisiese Navorsing en vir die geweldige vooruitgang op die gebied van kragproduksie in die Unie. Oorlede in 1948.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
