| Pretorius, Andries Wilhelmus Jacobus [boodskap #123422] |
Vr, 04 Januarie 2019 16:54 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Andries Wilhelmus Jacobus Pretorius was 'n Voortrekkerleier en Generaal. In 1798 in Graaff-Reinet gebore, neem deel aan verskeie grensveldtogte en onderneem in 1837 ’n voorlopige trek na die noorde. Hy veg saam met A.H. Potgieter teen Silkaats. Na die moord op Retief is hy uit die Kolonie ontbied en aangestel as Kommandant-generaal. As sulks verslaan hy die Zoeloemagte van Dingaan in die slag van Bloedrivier in 1838. Na die besetting van Natal deur die Britte, bly Pretorius ’n aantal jare lank in dié kolonie en handhaaf hy vriendskaplike betrekkinge met die owerheid. In 1847 organiseer hy onder die Trekkers ’n protes teen die beplande Britse anneksasie van die Oranjerivier-Soewereiniteit. Dit bring hom in stryd met goewerneur sir Harry Smith en in 1848 voer hy die Boeremagte aan wat by Boomplaats verslaan is. Pretorius trek na Transvaal waar hy hom naby Potchefstroom vestig. In 1852 neem hy die leiding in die sluiting van die Sandrivier-konvensie wat die onafhanklikheid van die Suid-Afrikaanse Republiek erken. Oorlede in 1853.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
