| Okahandja [boodskap #123195] |
So, 30 Desember 2018 20:05 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Okahandja is 'n dorp in Namibië (Suidwes-Afrika) en vroeëre setel van Hererohoofman. Dit het in 1840 'n stasie van die Rynse Sendinggenootskap geword, en was toneel van baie gevegte in naturelle-oorloë. Die ondertekening van die oorspronklike verdrag tussen die Duitsers onder dr. Heinrich Goering (vader van die Nazi-leier) en die Herero's het in 1885 daar plaasgevind. Die Duitsers het 'n fort daar opgerig en is in 1904 tydens die Herero-oorlog daarin beleër. In later jare is 'n inmaakfabriek deur die Liebig-maatskappy opgerig, maar dit is weer gesluit. Die beroemde sendeling en historikus, dr. Heinrich Vedder, het baie jare lank daar gewoon. Die naam beteken "'n rant" in die inboorlingtaal. Bevolking teen die middel van die 20ste eeu: 3,627 (1,281 Blankes).
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
