| Ko-operatiewe Wijnbouwers Vereeniging van Zuid-Afrika Beperkt [boodskap #122573] |
So, 23 Desember 2018 08:31 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Ko-operatiewe Wijnbouwers Vereeniging van Zuid-Afrika Beperkt is in 1917 gestig en ingevolge wetgewing onder volkome beheer van die Unie se wynbouers geplaas. Die naam is in Nederlands omdat Afrikaans in 1917 nog in sy beginstadium was. Die het sy bestaan grotendeels te danke aan die ondernemingsgees van dr. C.W.H. Kohler wat die Regering oortuig het van die noodsaaklikheid van koöperasies en toesig omdat hy die ontoereikendheid van vroeëre maatreëls om die florerende bedryf aan die Kaap te rehabiliteer, besef het. Lidmaatskap van die K.W.V. (soos dit genoem word) was verpligtend vir wynbouers. Hulle is verplig om dié deel van die druiwe-oes wat nie as vrugte vir die maak van rosyne ens. nodig is nie, aan die K.W.V. te verkoop. Dit besit groot kelders, wynmakerye en distilleerderye in die Paarl, waar die hoofkantoor is, en op Stellenbosch, Worcester, Montague en Robertson. Dit het navorsings en toetslaboratoriums, onderhandel vir uitvoerooreenkomste en stel die pryse van wyndistillering vas. Die doelstelling om die bedryf te rehabiliteer is verwesenlik en danksy 'n konserwatiewe finansiële beleid, beloop die bates miljoene. Dit produseer wyn, brandewyn, likeurs, eau de Cologne, druiwesap en moskonfyt, vermoet, mengeldrankies en spiritus, ens. Vir uitvoer word die wyne wat deur plaaslike boere gemaak is, deur die K.W.V. behandel, gemeng en verouder. Feitlik al die wyne en spiritualieë wat in die Republiek bemark en deur individuele firmas verkoop word, is deur die K.W.V. goedgekeur, en dit is een van sy vernaamste doelstellings om gehalte te handhaaf. Sien ook Wyn.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
