| Koegas-Wreedhede [boodskap #122544] |
So, 23 Desember 2018 06:41 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Die Koegas-Wreedhede was 'n voorval in 1879 aan die noordwesgrens van die Kaapkolonie. Die gruweldade is gepleeg toe 'n kommando burgers gestuur is om 'n opstand van Korannas en ander stamme te onderdruk. Verskeie gevangenes is deur hulle wagte geskiet. By 'n ander geleentheid is 'n kamp waarin 'n aantal vroue en kinders was, op 'n plek genaamd Koegas, aangeval en die verdedigers is genadeloos doodgemaak. Besonderhede van die slagting het uitgelek en vyf blanke mans is op aanklag van moord in hegtenis geneem. Hulle is vir verhoor na Victoria-Wes geneem, maar rassegevoelens het hoog geloop en 'n jurie het hulle vrygespreek. Geweldige polemiek het ontstaan. Dit loop uit op 'n lasteraksie waarin die Prokureur-generaal van die Kaapkolonie, mnr. (later sir) Thomas Upington die redakteur van die Cape Argus vir £10,000 skadevergoeding gedagvaar het. Hy is £5 toegestaan met koste. Die saak is later in die Britse Laerhuis opgehaal en het die aandag geniet van invloedryke kringe in Europa.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
