| Knysna [boodskap #122537] |
So, 23 Desember 2018 06:27 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Knysna is 'n klein hawe van die Republiek van Suid-Afrika, tussen Kaapstad en Port Elizabeth. Geleë aan 'n skilderagtige lagune en word binnegegaan deur 'n smal rotspoort, genoem The Heads. In 1817 die eerste keer deur H.M.S. Podargus, 'n sloep, aangedoen. Handel met hout van die pragtige omliggende woude het geleidelik ontwikkel. George Rex wat hom in 1816 daar naby op Melkhoutkraal gevestig het, het bygedra tot die ontwikkeling van die hawe en het 'n skip daar laat bou. Saagmeulens is later daar opgerig deur die Thesen- en Parkes-families en 'n spoorlyn wat die woud binnegaan is gebou deur die South-Western Railway Company. Van 1818 af is 'n bestuurder op Knysna gestasioneer. Die groei van ander hawens het die verkeer geleidelik weggelok en ten spyte van die gebruik van die plek vir die bou van vlootbarkasse in die Eerste Wêreldoorlog, en vir lugpatrollies, het die administrasie van die Suid-Afrikaanse Spoorweë en Hawens dit enige jare later laat vaar. Sy vooruitgang hang nou hoofsaaklik af van die hout- en toeristehandel wat albei floreer. Bevolking teen die middel van die 20ste eeu: 12,340 (3,700 Blankes).
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
