| Drifgeskil [boodskap #121667] |
Do, 06 Desember 2018 16:14 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Die drifgeskil was 'n diplomatieke geskil tussen die Suid-Afrikaanse Republiek en Brittanje in 1895. Die spoorweglyn tussen Vereeniging en die Rand was voltooi en het die Rand met die Kaap verbind, maar die tariewe vir die Transvaalse seksie was so hoog dat die Uitlandersakemanne dit goedkoper gevind het om hulle goedere by die grens af te laai en dit per ossewa na die Rand te bring. In sy poging om die verkeer weg te keer na die Delagoabaairoete, waaraan hy voorkeur gegee het, het president Kruger op 1 Oktober 1895 'n proklamasie uitgevaardig waarin hy 'n verbod geplaas het op die vervoer van oorsese goedere per ossewa deur die driwwe van die Vaalrivier. Dit het tot so 'n gevaarlike situasie aanleiding gegee dat die Britse regering op 16 Oktober 'n ultimatum aan president Kruger gestel het om die driwwe te heropen of strenger stappe te verwag. Op 7 November 1895 het die President die proklamasie herroep.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
