| Dinuzulu [boodskap #121633] |
Wo, 05 Desember 2018 06:21 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
Dinuzulu was 'n Koning van die Zoeloes. Die seun van Cetshwayo. Hy raak gewikkel in 'n burgeroorlog met sy broer, Usibepu, en in 1884 vra hy 'n groep Transvaalse Boere om hulp. Met hulle hulp wen Dinuzulu die stryd en word hy opperhoof. Toe die Britse gesag in 1887 oor die hele Zoeloeland uitgebrei word, kom Dinuzulu in opstand en word hy verban na die eiland St. Helena. Later word hy toegelaat om na sy geboorteland terug te keer, maar in 1906 raak hy weer betrokke in 'n opstand toe die Bambata-opstand uitbreek. By dié geleentheid is hy weer skuldig bevind en lewenslank verban na Middelburg, Transvaal. Hy is in 1913 daar oorlede.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
