| Blokhuis [boodskap #121221] |
So, 25 November 2018 06:22 |
 |
Inligting
Boodskappe: 4588
Geregistreer: November 2018
Karma: 1
|
Senior Lid |
|
|
'n Blokhuis is fort wat vir verdediging gebruik is en waaruit soldate kon waghou. Blokhuise wissel van eenvoudige geboue van hout en sink tot kasteelagtige bouwerke.
Die eerste blokhuise in Suid-Afrika is tydens die eerste Britse besetting van die Kaap in 1795 in gebruik geneem. 'n Paar daarvan, onder meer die "King's Blockhouse" en die "Queen's Blockhouse" teen die hange van Tafelberg, bestaan nog.
Later is dit op groot skaal deur lord Kitchener tydens die Tweede Vryheidsoorlog en aan die Oosgrens teen die naturelle gebruik. Sommige is so na aan Kaapstad as Wellington en Malmesbury. Eers was blokhuise beperk tot spoorlyne, wat beskerm moes word, maar later het dit so talryk geword dat dit tot 200 tree uitmekaar was. Dit was verbind met doringdraad en per telefoon. Hoewel miljoene ponde deur Brittanje aan die blokhuisstelsel bestee is, was dit glad nie besonder geslaag nie soos bewys deur generaal De Wet en ander Boereleiers. Die Boere kon met gemak deur die blokhuisnetwerk glip. Daar is van verskillende soorte gebruik gemaak, insluitende sommige van klip, ander van sinkplaat en hout. Die koste het gewissel van £15 tot £75 elk.
Bron: Ensiklopedie van Suidelike Afrika, Eric Rosenthal, 1967
Laat weet as u oor addisionele inligting beskik wat ons hier kan bywerk.
-
Aanhangsel: blokhuis.jpg
(Grootte: 38.28KB, 243 kere afgelaai)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
