| Solidariteit Brief [boodskap #119352] |
Do, 04 Maart 2010 11:32  |
Etienne Marais
Boodskappe: 370
Geregistreer: Maart 1997
Karma: 0
|
Senior Lid |
|
|
Ek het die volgende van Solidariteit ontvang (maak jou bydrae asb.)
============================================================ ========
Zuma stem in om jou brief teen misdaad te ontvang
Jy is een van meer as 60 000 Suid-Afrikaners wat oor die
misdaadsituasie in Suid-Afrika aan die President geskryf het.
President Jacob Zuma het, ná volgehoue druk deur Solidariteit,
ingestem om die misdaadbriewe van derduisende ontevrede Suid-
Afrikaners wat die afgelope twee weke ingestroom het op Dinsdag, 9
Maart te ontvang.
Solidariteit het dié veldtog begin om druk op die Suid-Afrikaanse
regering te plaas en die ware erns van misdaad te beklemtoon.
Solidariteit wil sodoende toesien dat die regering misdaad as ʼn groter
prioriteit beskou en die probleem dringend aanpak.
Solidariteit het reeds meer as 60 000 briewe en SMS’e van Suid-
Afrikaners ontvang waarin hulle hul misnoeë met die huidige
misdaadsituasie en die regering se hantering van die probleem
uitdruk.
Solidariteit het ook verlede week ʼn video bekend gestel waarin van die
mense hulle stories aan die president vertel. Die video is op verskeie
webblaaie gepubliseer en mense dwarsoor die wêreld het gekyk en
geluister na die briewe wat president Zuma nie wou aanvaar nie. Die
video kan op www.stube.co.za gekyk word.
Jy is een van die mense wat aan president Zuma wou vertel van jou pyn
en vrees as gevolg van misdaad. Die presidensie wou nie jou brief
aanvaar nie, maar dit het ons net meer vasberade gemaak om die
boodskap oor te dra. Die momentum is landswyd nou so groot dat dit
byna onkeerbaar is.
Hiermee wil ons jou aanmoedig om die boodskap te versprei onder
vriende en familie, sodat ons mik om 100 000 briewe aan die president
te oorhandig.
Laat jou stem hoor – die tyd raak min!
Solidariteit doen ʼn beroep op Suid-Afrikaners wat nog nie aan die
veldtog deelgeneem het nie om nou hulle stem by die meer as 60 000
ander stemme te voeg.
Neem só deel:
Besoek die webwerf www.geagtepresident.co.za en stuur die algemene
brief wat hier beskikbaar is of rig ʼn persoonlike brief aan die
president.
Stuur ʼn SMS na 35960. Begin die SMS met die woord “misdaad”, gevolg
deur jou persoonlike boodskap
|
|
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
