| "Die ryp is 'n rower" deur PETRA MULLER [boodskap #8765] |
Di, 11 Maart 1997 00:00 |
Izak Bouwer
Boodskappe: 465
Geregistreer: Januarie 1996
Karma: 0
|
Senior Lid |
|
|
DIE RYP IS 'N ROWER
Petra Muller
(maartblom het april toe uitgedans,
stil-stil, op haar eentjie;
tanterlanta, lanterfanta,
hoogtrap, uitskop, rittelbeentjie -
stil-stil het sy weggeraak)
ryp het sy mes hier ingekry:
dit is die skrik van die bamboesbos
en die appelboorde kraak
"af met die note, af!"
so by so het die onbesonne bossies
reeds by die blink rampokker ingekruip,
en die werf gaan lê soos 'n naweeksman
wat leeghand huis toe sluip
"af met die note, af !"
ligvoet soos 'n jong bandiet
het die ryp verbygekom;
hy bêre sy diewesak
jy oes, my lelieblom
(gepos deur gloudina bouwer)
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
