| Vir Dek Henning: Tersiene - Elizabeth Eybers [boodskap #100908] |
Sa, 08 Januarie 2005 00:57  |
Ooskus
Boodskappe: 15
Geregistreer: April 2004
Karma: 0
|
Junior Lid |
|
|
Ek stem saam, Diek, dis een van die mooiste van Eybers vir my. In die dae to
ek nog self gedig het was dit vir my 'n isnpirasie en ekhet so hard probeer
om uit tekom by die strak en eenvoudige taal van Eybers, soos in hierdie
gedig - en ook in Roentgenfoto en baie ander. Nooit daarin geslaag nie...
maar dis 'n ander storie. Geniet hierdie een.
Groete
Henry in Pennsylvania
Tersiene
Reeds oor die drumpel het my seun, wat hyg,
skool toe, van haastigheid, weer vasgesteek:
'Bestel dit tog vandag van die apteek-'
Sy stem, nou skor dan skraal, het yl gestyg:
'die roulynolie vir my krieketkolf!'
'Onthou!' roep hy, maar hoe kan ek vergeet
Eggo-deurtrek, al grom die honger wolf
van onvoltooide take, sing die kreet
om roulynolie vir my krieketkolf.
Roerloos sit ek voor my geslote boek:
as soveel ongesogte harmonie
gesluit word in 'n simpele versoek,
wat baat beoefening van prosodie?
Geen lettergrepe wat om voorrang stoei
in weersydse verset en kompromie
het ooit in gouer, gladder stroom gevloei
as roulynolie, klinkerryk; geen knal
was nog so klaar as krieketkolf. Hoe sal
my vers ooit weer volwasse word? Daar golf
geen skoner jambes in my moedertaal
as roulynolie vir my krieketkolf!
|
|
|
|
| Re: Vir Dek Henning: Tersiene - Elizabeth Eybers [boodskap #100910 is 'n antwoord op boodskap #100908] |
Sa, 08 Januarie 2005 13:18  |
bouer
Boodskappe: 4803
Geregistreer: Desember 2003
Karma: 0
|
Senior Lid |
|
|
"Ooskus" skryf
In die dae to
> ek nog self gedig het was dit vir my 'n isnpirasie en ekhet so hard probeer
> om uit tekom by die strak en eenvoudige taal van Eybers, soos in hierdie
> gedig - en ook in Roentgenfoto en baie ander. Nooit daarin geslaag nie...
> maar dis 'n ander storie. Geniet hierdie een.
> Henry in Pennsylvania
Goed dat jy nog die nuusgroep lees, Henry, en Diek kon
help. As ek reg onthou, het jy die CD met die nuutste
Verseboek op. Hoekom pos jy nie so nou en dan ietsie
ook op die nuusgroep nie?
En hoekom gee jy ons nie 'n smakie van jou eie
digwerk nie?
Gloudina
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
