moeder
Sa, 01 Oktober 2022 12:04
ek weet nie juis waar om te begin
want oor die jare heen het u die rol van so baie mense in my lewe gevul
die rol van moeder en van vader
van onderwyseres en van vriendin
ook van dominee en van geneesheer
en nog baie baie meer
maar nooit het ek u hoor kla
oor al die eise wat hierdie rolle van u vra of die min ure in die dag
selfs nie oor die rebel wat ek was
en daarvoor wil ek graag sê baie, baie dankie, ma
vir die kinderlewe wat ek kon deel
met ‘n moeder soos u, so spontaan, so veel
daar is egter ook ‘n ander kant
van u wat gehelp het om my die mens te maak wat ek is
en dit is die spontane rol as mens
bakmens, tuinmens, kunsmens en mensmens want
dit het in my die basis gelê
van iets spesiaals wat elke kind behoort te hê
ek weet dit was ‘n baie moeilike tyd
toe u die lewe van boervrou vaarwel moes roep in ruil vir die dorp
maar ten spyte van dae en nagte vol vrae
en die kloppende rou van die wrede afskeid
was u steeds vir ons kinders altyd daar
en dit sal ek vir ewig in my hartkamers bewaar
wat meer is daar dan om te sê
as dat dit werklik net ‘n geskenk van God kan wees
om vir brose mensekinders die voorreg te gee
om ‘n moeder soos u te mag hê
ek weet nie werklik hoe om u te bedank
maar wat ek geleer het sal my bybly lewenslank
Prosa & poësie |
0 kommentare
om 100 te word
Sa, 01 Oktober 2022 12:02
om 100 jaar oud te word is genade
maar om op 100 nog die voëltjies te hoor sing
die koerant te lees
en ‘n paar gedigte spontaan voor te dra
na ‘n vroegoggend se stap langs die see
is meer as genade
dit is ‘n geskenk vanuit die Hemel
Prosa & poësie |
0 kommentare
om alleen oud te word
Sa, 01 Oktober 2022 10:52
die lewe is uiters broos en kosbaar
maar dit is so vreeslik kort
dat elkeen wens hy word gespaar
om alles te kan doen wat die lewe bied
dis ‘n wonderlike gawe om lank gespaar te word
en boonop goeie gesondheid te geniet
maar hoe voel dit werklik
om alleen oud te word
nie alleen omdat ander te vroeg gesterf het
maar alleen omdat jy so lank gespaar is
alleen sonder familie en kennise
alleen in ‘n wêreld wat jy nie meer ken
alleen tussen miljoene wat jy nie meer verstaan
Prosa & poësie |
0 kommentare
ode aan 'n jagter
Do, 29 September 2022 15:07
/gwi, !kung, /xam, !xô
kleine mensies van die veld
stadig het julle suidwaarts beweeg
om uiteindelik hierdie suiderland te kom bewoon
in hierdie land van oorvloed
wat vir etlike eeue julle tuiste was
was julle veldmens, woestynmens, vlaktemens en bergmens
en elke voetpaadjie, elke spoor, elke plant en elke krans
het julle geken
julle het die natuur respekteer
want julle was ook liefdesmens, mensmens
daardie liefde straal vandag nog vanaf jul grotwande uit na ons
maar tyd het julle ingehaal
want die swartman het gekom
en julle sy slawe gemaak
waarna die witman kom
en julle stelselmatig begin uitwis
julle land van oorvloed het geen oorvloed meer
en die meeste dier en plant van julle tyd
staan nie meer in die veld
julle voetpaadjies het reeds jare terug verdwyn
en selfs vele van jul grotkunswerke is reeds weg
ja, die pragtige kliek-klak van jul tale het vir ewig stil geword
maar vandag dink ons met deernis terug aan die mensies van heitsi-eibib
as ons ons land se leuse sê: !ke /xarra //ke
Prosa & poësie |
0 kommentare
myner van die duineveld
Wo, 28 September 2022 18:27
wat is werklik die doel van jou bestaan
daar waar jy jou weg in donkerte onder tuine en paaie deur baan
want jou enigste nut wat ek kan sien
is geld wat die koöp in uit slagysters en pille wat hul voorsien
met die miniatuur sandvulkane
maak jy die uitgelegte van ons mooi parke en tuine ongedane
waar vele plante onder sand verdwyn
en net soveel ander weens afgeknaagde wortels in die beddings kwyn
menige dier het reeds ‘n been gebreek
omdat hul in volle vlug per ongeluk ‘n voet in jou gate steek
of struikel oor een van jou vulkane
daar waar hulle daagliks hul weg oor die vulkaanbesaaide veld moet bane
jy sou vir elk van ons ‘n guns doen hier
as jy ook sig kon hê en bogronds kon lewe soos elke ander dier
dan kon jy dit gou-gou na ‘n plant waag
‘n gat langs die stam af grawe en heerlik aan die wortels sit en knaag
Prosa & poësie |
0 kommentare
my tweede kans
Wo, 28 September 2022 18:25
my hele wese wil U loof en prys met sang en dans
uit dankbaarheid vir hierdie tweede kans
so onverdiend van U ontvang
te midde van al die lyding in elke hospitaalgang
mag ek hierdie tweede kans nooit vergeet
maar altyd van u Almag weet
sonder om die kennis daarvan vir myself te hou
deur dit aan die ganse wêreld te laat ontvou
Prosa & poësie |
0 kommentare
my kleine koringaar
Wo, 28 September 2022 07:29
van al die are op die land was jy die mooiste koringaar
daar waar jy groei teen piketberg se hange
met die môreson wat blink weerkaats op jou goudbruin wange
my grootste vrees was dat die boere se stropers by jou
sou wees voordat ek my hande om jou kon vou
want jy was so mooi, ek moes jou lewe spaar
ek het oor heuwels en deur slote na jou toe gehardloop
om jou voor die stropers se lemme af te pluk
en met my saam te neem op soek na ons geluk
in my growwe hande was jy so klein en broos
maar jy was nou myne en dis genoeg troos
terwyl die boere met hul monsters die ander are stroop
jy was my kosbaarste besitting en dus het ek gevrees
dat die lelik van die wêreld jou dalk seer kon maak
en daarom wou ek jou te alle koste teen gevare bewaak
met verloop van tyd het jou korrels begin swel
en sodoende kom daar ander lewens op die spel
want ewe skielik was ons 'n ware gesin gewees
nooit het ek gedroom dat ek jou daardie dag sou kneus
toe ek jou voor die stropers weg moes raap
daardie bloedige somersdag toe al wat kraai was, gaap
ek het nie besef dat ek jou so styf teen my lyf vasdruk
al waaraan ek gedink het, was aan ons geluk
nou kan ek net "jammer" sê met trane langs my neus
hul sê jy mis eers iets wanneer jy dit verloor
en daarom gaan ek nou alles op die spel plaas
om weer daardie pragtige liefdesvuur aan te blaas
sodat jy weer my koringaar van ouds kan wees
en die mense ons geluk op ons gesigte kan lees
hulle moet ons liefdeswoorde reeds van ver af kan hoor
Prosa & poësie |
0 kommentare
die woorde wat ons uiter
Di, 27 September 2022 14:49
sagkens rol hulle tussen ons lippe deur
woorde van liefde
wat die warmte vanuit ons hartkamers
spontaan na buite bring
om ons gevoel teenoor iemand te besing
ferm hop hulle tussen ons lippe deur
woorde van vermaning
wat die ervaring vanuit ons breingange
doelgerig na buite stuur
om te verhoed dat ‘n fout iemand se lewe versuur
huiwerig hink hulle tussen ons lippe deur
woorde van bemoediging
wat die besorgdheid vanuit ons orgaansale
onseker na buite blaas
om iemand in ‘n omgewing van minder seer te plaas
ontploffend skiet hulle tussen ons lippe deur
woorde van haat
wat die oerheid vanuit ons menswees
donderend na buite lanseer
om iemand emosioneel te beseer
Prosa & poësie |
0 kommentare
verkeerdomgedig
Di, 27 September 2022 14:28
dreekrev fo ger
ger fo dreekev
deog si nee eid
gels si redna eid
dreekrev smos ein ger si
ger smos ein dreekrev si
seew nak elluh olg ke
ednayvstraa si elluh tnaw
seew edneirvmeseob smos nak ednayvstraa sfles ne
dreekrev fo ger uon tid si la
kaas ein ym riv tid kaam
êl edroow eid eot tnak rettaw
ês uoj riv ke reennaw
feil eiab eiab uoj teh ke
Prosa & poësie |
1 kommentaar