| de Kat op die Web [boodskap #16531] |
Ma, 03 Augustus 1998 00:00 |
Henri Burger
Boodskappe: 317
Geregistreer: Februarie 1998
Karma: 0
|
Senior Lid |
|
|
In 'n poging om 'n navraag hieroor te beantwoord, koop ek toe gister die
hoogheilige blad, iets wat ek normaalweg nie doen nie, want ek is nie sê
gesofistikeerd nie.
Daar is toe 'n humor seksie, en ene Johan Roux voer 'n onderhoud met
homself.
Op 'n vraag wat sy grootste vrees vir die toekoms van SA is, antwoord hy:
"Dat Mnr. Mbeki president gaan word. Mnr. Mbeki praat soos 'n buikspreker
wat glad nie sy lippe roer nie. Ek dink aan al die TV-onderhoude wat ons in
die toekoms sal moet kyk waar pres. Mbeki soos 'n buikspreker praat sonder
'n pop op sy knie. Daar's verskriklik min entertainment value aan 'n
buiksprekershow sonder 'n pop!"
Miskien moet ek de Kat meer koop.
En nee, ek kry nie 'n adres nie.
--
Henri Burger, Tzaneen. RSA
(e-mail: remove 'sukikaki.')
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
